4/19/10

ஆயிரம் பக்க நாவல் நீ

ஆயிரம் பக்க நாவல் நீ.
உன் அழகு அதன் முன்னுரை.

திருமேனியின் நாற்றம்,
புது புத்தக வாசம்.

உந்தன் பரிபாஷை,
கதையின் மொழி.

இமைக்கும் பொழுது,
அசையும் பக்கங்கள்.

பாத சுவடு,
எழுது நடை.

உடலின் வளைவுகளில்,
கதையின் திருப்பம்.

நேற்றிபொட்டும்,விழிகளும்
இறைந்து கிடக்கும் "க்" க(அ)னா.

நீ அழுகையில்,
கதையில் குழந்தை பசியாயிருக்கும்.
சிரிக்கையில்,
கதையில் பெய்யும் மழை.

பறக்கும் கூந்தல்,
நான் லயித்த வரிகள்.

உனை புரிதலின் சிக்கல்,
நாவலின் முடிச்சு.

ஆயிரம் பக்க நாவல் நீ.
உனை திறக்காமல் அனுதினமும்
வாசிப்பவன் நான்.

ஆயிரம் பக்க நாவல் நீ.
வாசிக்க துடிக்கும்
வேற்று மொழி வாசகன் நான்.

ஆயிரம் பக்க நாவல் நீ.
உனை மட்டுமே கொண்ட
காதலின் நூலகம் நான்.

ஆயிரம் பக்க நாவல் நீ.
தொலை தூர பயணத்திற்கு
ஒரு காலி புத்தக பையுடன் ஆயத்தமாபவன் நான்.

-- ஜெயசீலன்

2 comments:

  1. ஆயிரம் பக்க நாவல் நீ.
    வாசிக்க துடிக்கும்
    வேற்று மொழி வாசகன் நான்.
    .......
    ஆயிரம் பக்க நாவல் நீ.
    தொலை தூர பயணத்திற்கு
    ஒரு காலி புத்தக பையுடன் ஆயத்தமாபவன் நான்.
    Simply... more beautiful.

    ReplyDelete
  2. அற்புதமான கவிதை.

    ReplyDelete