4/14/10

கவிஞர்களின் புகைப்படங்கள்

ஏனோ கவிஞர்களின் புகைப்படங்களை
நான் ரசிப்பது இல்லை.

ஒளி குறைவான
அறைக்குள் எதையோ
எழுதி கொண்டிருக்கிறார்கள்...

அழகிய அட்டையுடைய புத்தகத்தை
வாசித்து காட்டுகிறார்கள்...

ஆபத்துகள் நிரம்பிய
ஏதோ ஒரு தேசிய நெடுஞ்சாலையில்
பின்வருவது தெரியாமல் நடந்து போகிறார்கள்...

அழகிய ஓவியம் முன்
நின்று அதை அழகற்றதாக்குகிறார்கள்...

கட்டுமானங்களை தகர்தெறிவதாய்
சொல்ல படுபவர்கள் பெரும்பாலும்
புகை பிடித்து கொண்டிருக்கிறார்கள்...

அல்லது,
முகத்திற்கு வெகு நெருக்கத்தில்
எடுக்கப்பட்ட புகைபடத்தில்
எதையோ வெறித்து பார்கிறார்கள்...

கவிஞர்களின் புகைப்படங்களை
நான் ரசிப்பது இல்லை.

அவர்கள்,
கவிதைகளை போலவே
புகைப்படங்களிலும் தங்கள்
அகம் குறித்தான ஒன்றை சொல்ல விரும்பி
தோற்று போகிறார்கள்....

--ஜெயசீலன்.ப

2 comments:

  1. ....
    முகத்திற்கு வெகு நெருக்கத்தில்
    எடுக்கப்பட்ட புகைபடத்தில்
    எதையோ வெறித்து பார்கிறார்கள்...
    ...
    கவிதைகளை போலவே
    புகைப்படங்களிலும் தங்கள்
    அகம் குறித்தான ஒன்றை சொல்ல விரும்பி
    தோற்று போகிறார்கள்....

    Very Good Pa. Jayaselan... we are most welcoming you.

    ReplyDelete
  2. சுவாரஸ்யமான சிந்தனை. good job mate.

    ReplyDelete