10/11/10

ஒரு அழகற்ற பெண்

ஒரு அழகற்ற பெண்
ஓவியர்களால் நிர்வாணமாக்கப்பட்டு
காட்சி படுத்தப்படுவதில்லை.

சிற்பிகளால் மார்புகள் புடைக்க செதுக்கப்பட்டு
வழிபாடு தளத்திலோ, பூங்காவிலோ
நிற்க வைக்கப்படுவதில்லை.

கவிஞர்களின் பொய்நிறை
உவமைகளுக்கு உந்துதல் சேர்பதில்லை.

விபசார விடுதிகளில்
ஓய்வற்று புணர அழைக்கப்படுவதில்லை.

இன்னாரு பெண்ணின்
திருமண முறிவிற்கு காரணமாவதில்லை.

கால்பந்து வீரனுக்கோ, திரைப்பட நாயகனுக்கோ
திருமணம் நடக்கையில் மனம் உடைவதில்லை.

தன் மார்பு உற்று நோக்கப்படுவதாய்
பிரம்மை கொள்வதில்லை.

ஆசைகள் குறித்தான புத்தரின் கூற்றுக்கு
மறுப்பு சொல்வதில்லை.

ஆண்கள் நிறைந்த இடங்களில்
உரக்க பேசுவதோ,சிரிப்பதோயில்லை.

தான் காதலித்த, காதலிக்கப்பட்ட கதைகளை
யாரிடமும் பொதுவில் பகிர்வதில்லை.

அழகிய பெண்களிடம்
ஒருவனால் நேசிக்கபடுவது
வரமென்று எடுத்துரைப்பதில்லை.

இதை தவிர
அழகிய பெண்களிடம் இல்லாத ஒன்று
தங்களிடம் இருப்பது குறித்தான ரகசியத்தை
யாரிடமும் சொல்லி கொள்வதில்லை.

3 comments:

  1. //அழகிய பெண்களிடம் இல்லாத ஒன்று
    தங்களிடம் இருப்பது குறித்தான ரகசியத்தை
    யாரிடமும் சொல்லி கொள்வதில்லை. //

    ethu athu ?

    ReplyDelete
  2. karpu,,,[virginity].jayseelan i am unaware of ur talent,,unbelievable.great! man.

    ReplyDelete
  3. @ manimaran no bro...its not just abt virginity..

    ReplyDelete