1/4/13

பாப்லோ நெருடா sonnet 1


பாப்லோ நெருடா sonnet 1

மடில்டே என்பது 
ஒரு தாவரத்தின், அல்லது ஒரு தொன்ம பாறையின், அல்லது திராட்சை மதுவின்,
பூமியில் பிறந்து அழிவற்று இருப்பவைகளின் பெயர்:
அந்த வார்த்தையில்தான் காலை சூரியனின் முதல் கற்றை விழுகிறது 
அதன் கோடை வெளிச்சத்தில்தான்  எலுமிச்சை பூக்கிறது.

மரகலன்கள் அந்த பெயரின் மீது மிதந்து செல்கின்றன
தீப்பற்றி  எரியும் நீல அலைகள் அதை சூழ்ந்து கொள்கின்றன.
அந்த பெயரில் உள்ள எழுத்துக்கள் நதியின் நீரென 
எனது வறண்ட இதயத்தில் கொட்டுகிறது.

அந்த பெயர் அடர்ந்து படர்ந்த கொடிகளுக்கிடையில் கண்டடையபடாமல் உள்ளது 
உலகின் நறுமணத்தை நோக்கி செல்லும் 
ரகசிய பாதாள சுரங்கத்தின்  வாயிலை  போல.

உனது வெம்மையான வாயை கொண்டு என்மீது போர் தொடு; உனது இரவு கண்களால் 
என்னை விசாரணை செய், நீ விரும்பினால் மட்டும் 
என்னை ஒரு கப்பலென உனது பெயரின் மீது நீந்த  விடு; 
அங்கேயே என்னை ஓய்வெடுக்க விடு.
                                                        - மொழிபெயர்ப்பு ஜெயசீலன் 

1 comment:

  1. innum evalo nlaiku ippudi mokkaya, school pasanga mathire kavithaiyellam enjoy pannuveenga? valurunga thambi

    ReplyDelete