3/22/14

அழகு by Partaw Naderi


உனது குரல் பசுமையான தொலைதூர கிராமத்திலிருந்து 
வந்து போகும் ஒரு பெண்ணை போலிருக்கிறது .

உயரமாய் அழகாயிருக்கும் அவள் உடற்கட்டை 
மலைகளிளிருக்கும் பைன் மரங்கள் அறிந்திருகின்றன.

அவள் அந்தியில் நிலவொளியின் குடையில் 
தேவலோகத்தின் நீர் ஊற்றில் தன் உடல் அலம்புகிறாள் 

அவள் வைகறையில் வீட்டிற்க்கு பரிசுத்தமான ஒளியை
குடுவையில் கையில் ஏந்தி வருகிறாள்.

அவள் சூரியனின் நதியை
ஒவ்வொரு மிடறாய் அருந்துபவளாயிருகிறாள்.

உனது குரல் பசுமையான தொலைதூர கிராமத்திலிருந்து
வந்து போகும் ஒரு பெண்ணை போலிருக்கிறது .

அவள் சிற்றோடைகளின் பாடல்களை
பிரதியெடுத்து காற்சலங்கை அணிந்தவள்

அவள் மழையின் முனுமுனப்பை
சுழித்து காதனியாய் அணிந்தவள்

அவள் அருவிகளின் பட்டிழைகளை நெய்து
கழுத்தில் அட்டியல் அணிந்தவள்

இவையாவும் சூரியனின் தோட்டத்தில்
காதலின் வெவ்வேறு வண்ணங்களில் மலர்ந்து அழகாக்குகிறது

ம்ம் நீயும்
உனது குரலுக்கு குறைவில்லாமல் அழகாயிருக்கிறாய்

2 comments:

  1. அருமையான கவிதை
    அருமையான மொழிபெயர்ப்பு
    மிகவும் ரசித்தேன்
    பகிர்வுக்கும் தொடரவும் நல்வாழ்த்துக்கள்

    ReplyDelete
  2. குறிப்பாக அந்த
    ம்ம் க்குத்தான் எத்தனை
    ஆழமான அர்த்தம்

    ReplyDelete